Një kamion i ushtrisë serbe u përmbys, transportonte raketa “Pancir”

Një kamion i ushtrisë serbe, i cili po transportonte tre raketa nga sistemi raketor “Pancir”, doli nga udha dhe u përmbys, njoftoi portali “Pink”, lajmëron Beta, përgjatë aksidentit, ra njëra prej raketave.

Aksidenti ndodhi në unazën rreth Beogradit, afër daljes për Obrenovac, në drejtim të Ostruzhnicës.

Tre ushtarë, të cilët ishin në automjet, kërkuan ndihmë mjekësore për shkak të plagëve të tyre.

Komunikacioni është ndërprerë në të dy drejtimet, dhe sipas “Pink” nuk ka ndonjë rrezik potencial.

Ministria serbe e Mbrojtjes konfirmoi se aksidenti ndodhi këtë mëngjes dhe se është duke u zhvilluar inspektim i vendit të ngjarjes.