Në pamje nuk të jep përshtypjen se i ka 103 vjet.Ai ka akoma forcën , gjallërinë, dhe aq më tepër ai nuk zbrapset në betejen me vitet transmeton faktiditor.ch.
As një shekull nuk ia ka shterrur forcën që ai ka, por ushqimi tradicional që ka konsumuar, puna , ia ruajnë vitalitetin.
Për më tepër ai është babai i studjuesit dhe shkencatërit shqiptar Asllan Selmani.
Ky është Ramiz Rexhep Selmani, nga Llojani i Kumanovës, i njejti është 103 vjeç, por në dokumenta figuron se ka 100 vjet e 2 muaj.103 vjeçari ende punon tokën, madje jo vetëm atë që ka përreth shtëpisë, por shpesh ecen një orë në këmbë për të shkuar në Tabanoc, ku edhe ka kopshtin tjetër. Axha Ramiz na tregon për rutinën e tij, si e kalon ditën , cilat janë ushqimet e preferuara, si arrin që të jetë në gjendje aq të mirë fizike. Biseda me të zgjati pothuajse 120 minuta, ku reflektohej një energji mbreslënëse, dëshira për punë, kujtesë jashtëzakonisht e mirë. Ne do të ju sjellim disa nga pjesët me të këndshme nga kjo bisedë.