Mauro Icardi është shumë pranë transferimit te skuadra e PSG-së në kampionatin francez.
Mediat italiane raportojnë se marrëveshja është arritur, teksa 26-vjeçari do të niset drejt Parisit, ku pritet të kryejë vizitat mjekësore pasditen e sotme.
Icardi do të kalojë si i huazuar, me të drejtë blerjeje, te skuadra e PSG-së, duke i dhënë fund polemikave të krijuara kohët e fundit.
Eksperti i njohur i merkatos, Muhamed Bouhafsi, zbulon se vizitat mjekësore do të zhvillohen rreth orës 17:00.
Plot 70 milionë euro do të paguajnë francezët e PSG-së, në fund të huazimit, për të blerë kartonin e argjentinasit.