Katër fëmijë nga rajoni i Hasanbegut infektohen nga një sëmundje, kërkojnë ndihmë në spital
Lajmin e ka bërë të ditur mjekja Angela Mimi-Hristov nga Klinika për sëmundje infektive.
”Kemi katër fëmijë të hospitalizuar në infektive. Kanë probleme me lëkurën. Erdhën me ankesat se janë alergji por e vërtetuam se është vetëm infektim me bakterie.”- është shprehur mjekja Angela Mimi-Hristov nga Klinika për sëmundje infektive.
Mes tjerash mjekja informon se në terren ka edhe ekipe të ndihmës së shpejtë të cilët janë në gatishmëri për të intervenuar.
”Kemi dërguar ekipet tona edhe nëpër shtëpi për njerëzit e palëvizshëm dhe me sëmundje kronike. Në hyrje të fshatit Stajkovci ka edhe ekipe tona mobile dhe e bëjmë të pamundurën t’i shërojmë dhe qetësojmë.” thotë në mes tjerash Angela Mimi-Hristov nga Klinika për sëmundje infektive.
Ndryshe, ditë më parë edhe agjencia e lajmeve Zhurnal, paralajmëroi se vendet që u goditën nga fatkeqësia natyrore, rrezikohen nga përhapja e sëmundjeve infektuese të cilët mund të jenë me pasoja vdekjeprurëse.