Policia vazhdon kontrollin përmes dronëve
Policia e Kosovës ka njoftuar se është duke vazhduar kontrollin në rrugët rajonale përmes dronëve.
Në një postim në Facebook, Policia ka bërë të ditur se kjo po bëhet me qëllim të preventimit të aksidenteve të trafikut.
“Policia e Kosovës (PK), njësitet e trafikut rajonal në vazhdimësi apelojn vozitësit, pjesëmarrës në komunikacion, që të respektojnë rregullat dhe ligjin e komunikacionit, në mënyrë që të mos kemi aksidente”, thuhet në njoftim.
Policia ka bërë të ditur se të gjithë ata që hasen në kundërshtim me normat e komunikacionit do të përballen me sanksione të parapara ligjore.