“Luftë për çdo top”, Bajrami: Të jemi konkretë te rastet

Nedim Bajrami, i cili tashmë është pjesë e rekordeve dhe historisë së Europianëve me golin ndaj Italisë, doli në konferencën për shtypin përpara Shqipëri-Spanjë.

Kuqezinjtë do të tentojnë fitoren dhe kualifikimin të hënën në mbrëmje (21:00) në Dusseldorf.

25-vjeçari tetovar, një ndër më të mirët e Kombëtares, ndër të tjera tha:

“E dimë të gjithë që Spanja është favorite për fitimin e Europianit. Duhet ta përgatitim mirë ndeshjen dhe të jemi gati. Të bëjmë maksimumin të gjithë, nuk ka rëndësi kush luan dhe kush jo. Me Italinë as vetë nuk e pritëm që do e fillonim aq mirë, por ata shënuan dy gola më pas. Patëm rast me Manajn për të barazuar. Me Kroacinë zhvilluam një ndeshje shumë të bukur, treguam që jemi aty”, tha ai.