Rukiqi ‘tallet’ me arsyetimin e Sveçlës: Kujdes p’e merr vesh Rusia dhe Serbia që po blejmë gullash e pasul

Nënkryetari i Lidhjes Demokratike të Kosovës, Berat Rukiqi, është tallur me arsyetimin e Ministrit të Brendshëm, Xhelal Sveçla, i cili numrin enorm të tenderëve njëburimor e arsyetoi me rreziqet që Kosovës i kanosen nga Serbia dhe Rusia.

Referuar një tenderi – po ashtu një burimor – që u provua të bëhej për ushqim në Ushtrinë e Kosovës, e që u ngritën dyshime të mëdha për keqpërdorime, Rukiqi ironizoi duke thënë “kujdes po e merr vesh Rusia dhe Serbia që jemi duke blerë gullash dhe pasul”.