Punonjësit e Amazon do të bëjnë grevë të Premten e Zezë

Mijëra punonjës të gjigantit online amerikan “Amazon” do të protestojnë këtë fundjavë të Premten e Zezë në më shumë se 20 vende të botës. Grevat dhe protestat do të zgjasin nga 29 nëntori deri më 2 dhjetor – periudhë e cilësuar si më fitimprurja e vitit, kur tregtarët ofrojnë produktet e tyre me çmime dukshëm më të ulëta. Punëtorët e Amazon janë të pakënaqur me pagesën për punën e tyre, dhe ata gjithashtu akuzojnë kompaninë se nuk paguan një pjesë adekuate të taksave. Ndaj, për të pestin vit radhazi disa punonjës do të jenë në grevë të Premten e Zezë dhe fundjavën që pason.

Një rritje e madhe në shitje do të thotë një tendosje e madhe për punonjësit. Sipas British Guardian, greva pritet të shpallen në Shtetet e Bashkuara, Gjermani, Britaninë e Madhe, Turqi, Kanada, Indi, Brazil, Japoni e gjetkë. Aksioni po përgatitet nga fushata Make Amazon Pay, në të cilën marrin pjesë më shumë se 80 sindikata. Këto kompani, të themeluara nga një prej njerëzve më të pasur në Tokë, Jeff Bezos, bëjnë thirrje që punëtorët të paguhen në mënyrë të drejtë për punën e kryer, duke respektuar të drejtën e tyre për t’u anëtarësuar në sindikata, ndërsa në të njëjtën kohë angazhohen për respektimin e veprimeve klimatike, transmetuar nga H1 Slloveni.

Një nga protestat më të mëdha është planifikuar përpara selisë së Amazon në Londër. Kompanisë do t’i dorëzohet një peticion me më shumë se 110,000 nënshkrime, e ndjekur nga një marshim në 11 Downing Street, rezidenca zyrtare e Kancelarit të Thesarit. Fushata ka organizuar tashmë protesta të ngjashme në katër vitet e fundit. Vitin e kaluar, gjatë të Premtes së Zezë, protestuan edhe punonjës nga më shumë se 30 vende.