Putin: Nuk do të lejojmë që Kievi të bëhet fuqi bërthamore

Presidenti rus Vladimir Putin tha sot se Rusia do të përdorë të gjitha armët e saj kundër Ukrainës nëse Kievi bëhet një fuqi bërthamore.

Ne nuk do të lejojmë që Kievi të marrë armë bërthamore”, tha Putin, raporton Politika.

Ai vuri në dukje se Ukraina nuk mund të prodhojë armë bërthamore, por vetëm bomba të pista, por shtoi se Rusia do të reagojë ndaj saj në një “mënyrë të duhur”.

“Ata që përmendin kthimin e armëve bërthamore në Ukrainë nuk ndihen përgjegjës për fatet e njerëzve dhe botës”, tha Putin.

I pyetur se kur mund të ndodhin sulme të mundshme nga Rusia ndaj qendrave vendimmarrëse të Ukrainës, ai tha: “Ndoshta sot, gjatë ditës, gjithçka është e mundur”.

Më herët gjatë ditës së sotme, Putin tha se raketa Oreshnik ka një fuqi që mund të krahasohet me një armë bërthamore.

Putin theksoi se “Oreshnik” nuk është një armë e shkatërrimit në masë, por një armë precize pa ngarkesë bërthamore dhe konfirmoi se prodhimi serial i raketave “Oreshnik” ka filluar, por se objektivat specifike do të zgjidhen për sulmet ndaj Ukrainës, në varësi të natyra e objektivave dhe kërcënimeve për Rusinë.