“Është më e mirë se tjerat” – kripto-sipërmarrësi hëngri bananen, për të cilën pagoi 6.2 milionë euro

Sipërmarrësi i kriptomonedhave, Justin Sun, ka përmbushur një premtim që bëri pasi shpenzoi 6.2 milionë dollarë për një vepër arti bananeje të ngjitur në mur.

Në një nga hotelet më të shtrenjta të Hong Kongut, Sun hëngri bananen përpara dhjetëra gazetarëve dhe influencuesve pasi mbajti një fjalim në të cilin e përshëndeti punën si “ikonë” dhe tërhoqi paralele midis artit konceptual dhe kriptomonedhës.

“Është shumë më mirë se bananet e tjera. Është vërtet shumë e mirë,” tha Sun pasi e shijoi për herë të parë.

E titulluar Komedian, një vepër konceptuale e artistit italian Maurizio Cattelano u shit javën e kaluar në ankandin e Sotheby’s në Nju Jork dhe Sun ishte mes shtatë ofertuesve. Sun tha se ndjeu “mosbesim” në 10 sekondat e para pas marrjes së ofertës, përpara se të kuptonte “kjo mund të bëhet diçka e madhe”.

Në 10 sekonda pas kësaj, ai vendosi se do të hante bananen. “Ngrënia në një konferencë shtypi gjithashtu mund të bëhet pjesë e historisë së artit,” tha ai të premten.

Debutimi i krijimit të ngrënshëm në Art Basel 2019 në Miami Beach ka ngjallur polemika dhe pyetje nëse duhet të konsiderohet art, që është qëllimi i Cattelan.