Pasuria e konfiskuar e Mijallkovit dhe Gruevskit del në ankand

Një pjesë e pasurisë së konfiskuar të ish-kryeministrit Nikolla Gruevski dhe ish-shefit të DSK-së, Sasho Mijallkov, së shpejti do të dalë në shitje. Shteti pritet të arkëtojë të paktën 29 milionë euro. Një pjesë tjetër e pasurisë së sekuestruar nga Mijallkov në rastin “Perandoria” së shpejti do të dalë në shitje, njoftoi Agjencia për pronat e sekuestruara.

Do të shiten banesa, apartamente, garazhe, ambiente biznesi dhe tokë ndërtimore. Këto prona të Gruevskit dhe Mijallkovit janë konfiskuar në disa raste gjyqësore kundër tyre. Banesat do të shiten në rrugën “Bihaçka”, apartamente në “Panorama Residence”, apartamente në Ohër, parcela në Vodno dhe Qendër…

Nga shitja e tre banesave dhe e një garazhi në Vodno, deri më tani shteti ka arkëtuar nga Mijallkovi 332.276 euro. Dhe vetë kompania “Best Way Investment”, kompani në pronësi të Jordan Mijallkovit, i ka blerë vetë.