Osmani takon Erdoganin: Turqia është dhe do të mbetet një partner kyç për paqen, sigurinë dhe zhvillimin rajonal

Presidentja e Republikës së Kosovës, Vjosa Osmani, me ftesë të presidentit të Republikës së Turqisë, Recep Tayyip Erdoğan, ka udhëtuar për në Turqi për të marrë pjesë në edicionin e katërt të Forumit Diplomatik të Antalisë.

Osmani përmes një njoftimi në Facebook ka bërë të ditur se është takuar me presidentin Erdogan, për të cilin ka thënë se është lider që i qendroi Kosovës pranë në çdo sfidë dhe sukses.

Ndërsa ka thënë se Turqia është dhe do të mbetet një partner kyç për paqen, sigurinë dhe zhvillimin rajonal

“Presidenti Erdoğan është lider që i qëndroi Kosovës pranë gjithmonë, në çdo sfide e në çdo sukses. Ai është një zë i fuqishëm i miqësisë dhe vizionit të përbashkët. Një mik i dëshmuar i Kosovës, një zë i fuqishëm për të drejtën tonë, dhe një shtyllë e fortë mbështetjeje në çdo etapë të shtetndërtimit tonë. Turqia është dhe do të mbetet një partner kyç për paqen, sigurinë dhe zhvillimin rajonal. Marrëdhëniet tona janë më shumë se miqësi, janë një partneritet i ndërtuar mbi besim, respekt dhe vizion të përbashkët për të ardhmen”, ka thënë Osmani.