Qalaj: S’kemi votë për Albulena Haxhiun

Deputeti i PDK-së, Rashit Qalaj, ka thënë se deputetët e këtij subjekti politik nuk kanë votë për kandidaten e LVV-së, Albulena Haxhi.

Qalaj tha për tv21 se është obligim i LVV-së të sigurojnë votat e mjaftueshme për zgjedhjen e kryeparlamentarit.

‘’Veprimi ynë do të jetë i njëjtë, nuk kemi votë për Albulen Haxhiun, nuk kemi votë për kandidatin e LVV-së. Është obligim i koalicionit fitues në këtë rast LVV-ja të sigurojë votat e mjaftueshme për zgjedhjen e kryeparlamentarit. Çështja e bashkëpunimit midis partive politike ka një histori, LVV-ja ka kohë që i ka shkëputur të gjitha urat e bashkëpunimit me partitë opozitare. Ju e keni parë për katër vjet në pushtet se si kemi kaluar me partinë që ka qenë në pushtet”, tha ai.