Aksident mes një veture dhe kamioni në rrugën Viti-Kllokot, dy të lënduar

Një aksident mes një veture dhe një kamioni ka ndodhur në rrugën Viti-Kllokot, ku si pasojë janë lënduar dy persona.
Të lënduarit janë duke marr trajtimin mjekësor në qendrën emergjente në Spitalin e Gjilanit.

Rastin për lajmi.net, e ka konfirmuar zëdhënësi i policisë për rajonin e Gjilanit, Valon Osmani.

“Rreth orës 08:00 në aksin rrugor Viti-Kllokot ka ndodhur një aksident trafiku në të cilin kanë qenë të përfshira një kamion dhe një automjet. Si pasojë e këtij aksidenti lëndime të lehta trupore kanë pësuar dy persona të cilët janë duke marrë tretman mjekësorë në qendrën emergjente në Spitalin e Gjilanit”, tha Osmani.

Hetuesit policor kanë dalë në vendin e ngjarjes dhe po merren me hetimin e rrethanave të rastit.