Aksident në Lipjan, humbë jetën një person- një tjetër dërgohet në QKUK

Një aksident i rëndë ka ndodhur sot rreth orës 12:45 në fshatin Grackë të Lipjanit.

Rastin për Indeksonline e ka konfirmuar zëdhënësi i policisë për rajonin e Prishtinës, Agron Borovci, i cili tha se një person humbi jetën ndrsa një tjetër është dërguar në QKUK për trajtim.

“Rreth orës 12:45, është raportuar për një aksident trafiku të ndodhur në rrugën Lipjan-Shtime, respektivisht në afërsi të fshatit Grackë e vogël.

Nga informatat e para bëhet e ditur se në aksident janë përfshirë një kamion dhe dy vetura.

Si pasojë e aksidentit, një person ka humbur jetën ndërkaq për shkak të lëndimeve të marra nga aksidenti një person është dërguar në QKUK për trajtimin e nevojshëm mjekësor.

Për shkak të aksidentit janë krijuar vështirësi qarkullimi në segmentin rrugor Lipjan-Shtime-Topliqan – Bujan. Njësia rajonale e trafikut ka dalë në vendin e ngjarjes, ka ndërmarrë veprimet e nevojshme për lehtësimin e qarkullimit dhe ri drejtimin e trafikut, si dhe ka nisur një hetim lidhur me rrethanat e këtij aksidenti”,ka thënë Borovci për Indeksonline.