Ambasada Amerikane uron Distrian: Ajo jep një shembull inspirues për të gjithë kosovarët

Ambasada Amerikane në Prishtinë i ka uruar Distria Krasniqit medaljen e artë në Lojrat Olimpike që po mbahen në Japoni.

Përmes një shkrimi në Twitter, ambasada thotë se Distria ka dhënë një shembull frymëzues për të gjithë kosovarët.

“Urime kampionit të Judos dhe medalistes së artë, Distria Krasniqi – ajo jep një shembull frymëzues për të gjithë kosovarët”, shkruan Ambasada Amerikane.

Kujtojmë që Distria Krasniqi ishte sportistja e parë kosovare që këtë vit garoi në Lojërat Olimpike “Tokyo 2020”, duke ia siguruar Kosovës medaljen e artë. /Lajmi.net/