Arsenali fiton me përmbysje ndaj Southampton

Arsenali ka shënuar fitoren e radhës në Premierligë.

“Topçinjtë” triumfuan 3:1 në shtëpi ndaj Southampton, në kuadër të javës së shtatë në elitën e futbollit anglez.

Pjesa e parë u mbyll pa gola të shënuar, teksa në pjesën e dytë, Southampton kaloi në epërsi nëpërmjet Archer në minutën e 55-të.

Por, vetëm tre minuta zgjati gëzimi i tyre, pasi që Havertz barazoi shifrat pas asistit nga Saka.

Ishte ky i fundit që asistoi edhe në golin e dytë për Gabriel Martinellin në minutnë e 68-të.

E 20 minuta më vonë, Saka shënoi vet gol pas dy asistove për 3:1.

Me këtë fitore, Arsenali shkon në kuotën e 17 pikëve në vendin e tretë, aq sa ka edhe City një pozitë më lart dhe një më pak se Liverpooli që prin.

Në anën tjetër, Southampton mbetet i parafundit në renditje me një pikë pas shtatë ndeshjeve.