Bardhyl Mahmuti: Edhe 11 lojtarët po të ishin shqiptarë nuk do e mbështesja reprezentacionin e Maqedonisë

Ish politikani dhe veprimtari i njohur Bardhyl Mahmuti në një shkrim në rrjetin e tij social Facebook ka dhënë qëndrimin e tij lidhur me ndeshjen e luajtur mbrëmjen e djeshme.

Ai u shpreh se edhe po të ishin të gjithë lojtarët shqiptarë nuk do ta mbështeste Maqedoninë pasi sipas tij ky është shembull i shtetit që zbaton diskriminimit të paparë.

Në vazhdim postimi i plotë i Mahmutit:

“Edhe në raste se 11 lojtarët e përfaqësueses së futbollit të Maqedonisë së Veriut të ishin të përkatësisë etnike shqiptare, unë nuk do ta mbështetja!

Një mik imi më pyeti rreth qëndrimit tim për përfaqësuesen e futbollit të Maqedonisë së Veriut, në ekipin e të cilit luajnë edhe futbollistë shqiptarë.

Ia bëra të qartë se një përfaqësuese e një shteti të ndërtuar mbi territoret tona etnike që nuk ka asnjë simbol shqiptar në himnin apo flamurin shtetëror, ndërkaq burgjet i ka të mbyshurua plot e përplot shqiptarë, nuk më përfaqëson mua.

Madje edhe në raste se 11 lojtarët e përfaqësueses së futbollit të Maqedonisë së Veriut të ishin të përkatësisë etnike shqiptare, unë nuk do ta mbështetja, sepse realisht jo vetëm që nuk përfaqëson shqiptarët, por është shembull i shtetit që zbaton diskriminimit të paparë.“- përfundoi ai.