“Branitellat” përsëri problem! Edhe me VLEN, puna e Komisionit për Politikë Sociale “e bllokuar”

Pasi Fronti Europian refuzoi të udhëheqë dhe propozoj kryetar të ri në Komisionin për Politikë Sociale, Demografi dhe Rini, të njëjtin sot me urdhër të Afrim Gashit e udhëhoqi deputetja e VLEN, Imërlije Saliu.

Por siç edhe është bërë tashmë praktikë, puna e këtij komisioni përfundoi pa nisur mirë.

Ishte përsëri LSDM-ja ajo që kërkoi që nē rend dite të futet ligji i “Branitellave”.

JOVANKA TRENÇEVSKA – DEPUTETE LSDM

“Kam propozim për plotësim të rendit të ditës dhe si pikë e parë rendit të ditës të shtohet pika për të drejtat ekskluzive për Forcat e Mbrojtjes së Republikës së Maqedonisë së Veriut dhe familjeve të tyre.”

Propozimit të LSDM-së ju përgjigj kryrsuesja e komisionit Imërlije Saliu.

IMËRLIJE SALIU – DEPUTETE E VLEN

“Unë do kisha dashur që ju si LSDM të hiqni dorë nga tendenca juaj për të futur propozim ligjin për “Branitella” në rend dite. Sepse ashtu siç e keni parë, gjatë gjithë kohës nuk jeni konsistent në qëndrimet tuaja. Insistimi juaj realisht më duket i panevojshëm për këtë arsye, siç e shoh, unë do e mbyll këtu këtë seancë në një afat të pacaktuar.”

E VLEN-it dhe LSDM-së ju përgjigj, zv. Koordinatori i Frontit Europian, Elmi Aziri.

ELMI AZIRI – FRONTI EUROPIAN

“Gjithçka ka përfunduar kur komisionin e udhëhiqte znj. Ilire Dauti dhe e gjitha kjo që po e shohim tani është një teatër i panevojshëm sa për të bërë zhurmë dhe tendencë për tu stolisur me pupla të huaja, për të cilat ne mendojmë se nuk kemi nevojë as për regji e as teatra të këtilla.”

Debat mes Saliut dhe Azirit kishte edhe në seancë