Dhëndrri i Kosovës e kualifikon Turqinë në çerekfinale të Kampionatit Evropian, Austria kthehet me “këmbë në tokë”

Turqia është kualifikuar në çerelfinale të Kampionatit Evropian.

Kombëtarja e drejtuar nga Vincenzo Montella, në 1/8 e finales e eliminoi Austrinë, duke e mposhtur me rezultat 2-1, shkruan IndeksOnline.

Hero i Turqisë ishte dhëndrri i Kosovës, Merih Demiral, i cili shënoi të dy golat.

Ishte minuta e parë e ndeshjes kur 26-vjeçari i dha epërsinë Turqisë, derisa në minutën e 59-të shënoi golin e dytë.

Krejt çfarë bëri Austria deri në fund, ishte ta ngushtonte rezultatin me golin e Michael Gregoritsch, në minutën e 66-të.

Në çerkefinale Turqia do të përballet me Holandën./IndeksOnline/