E rëndë: Tentim vrasje afër Kids Center në Gjakovë

Gjatë mbrëmjes së sotme janë dëgjuar të shtëna të armës në qytetin e Gjakovës, ku për shkaqe ende të panjohura një persona dyshohet se ka shtënë me armë zjarri në drejtim të një veture në lëvizje, raporton Sinjali.

Sinjali mëson se dyshohet për një tentim vrasje afër Kids Center.

Rastin për Sinjalin e ka konfirmuar edhe zëdhënësi i Policisë për rajonin e Gjakovës, Sheremet Elezaj ku tha se një person që po lëvizte me veturën e tij gjuajti në drejtim të viktimës.

“Rreth orës 16:50, një burrë ka raportuar në polici se u qëllua me armë në veturën e tij në rrugën “Beqir Kastrati” në Gjakovë, nga një automjet tjetër në lëvizje. Viktima nuk ka pësuar lëndime trupore. Njësitet e nevojshme policore kanë dalë menjëherë në vendin e ngjarjes dhe është filluar me hetime për zbardhjen e rrethanave. Prokurori i Shtetit është informuar për rastin, përderisa jemi të angazhuar për të identifikuar dhe arrestuar të dyshuarin/it”, tha Elezaj për Sinjalin.