“E vrau me AK-47, dhunoi”: Detaje nga aktakuza e Prokurorisë për krime lufte kundër Muharrem Ibrajt

Prokuroria Speciale ka ngritur aktakuzë për krime të luftës ndaj Muharrem Ibrajt.

I njëjti dyshohet se ka kryer krime të luftës në Gjakovë.

Betimi për Drejtësi ka publikuar detaje nga atakuza.

“Në pikën e parë të aktakuzës, thuhet se më 28 shkurt 1998 rreth orës 14:30 në fshatin Osek Hylë, Komuna e Gjakovës, i pandehuri Muharrem Ibraj me dashje, i armatosur, i uniformuar në uniformë policore dhe në bashkëkryerje me pjesëtarë të tjerë të forcave policore serbe, ka marrë pjesë direkte në vrasjen dhe keqtrajtimin e qytetarëve civilë të nacionalitetit shqiptar që nuk ishin të përfshirë në luftë”, thuhet aty.