Dhimbje, lot, rrënim, frikë se mund të vdesësh nga minuti në minutë. Fëmijë të dëshpëruar që kërkojnë shpëtim janë këto pamjet dhe mesazhet të cilat po prekin të gjithë botën ndërsa duket se e ftohtë mbetet zemra e atyre që nuk dinë të ndalin shkatërrimin.Vogëlushët sirianë janë atë të cilët po rriten mes luftës duke kërkuar shpëtim për mbijetesë, duke kërkuar një jetë më të mirë për familjen e tyre. Të gjithë ne jemi prekur nga këto pamje të cilat tregojnë se mizoritë dhe dëshira për pushtet nuk shohin as fëmijë të pafajshëm. Dhe heronjtë e vërtetë të luftës në Siri janë pikërisht fëmijët të cilët me mesazhet e tyre ndonëse të pavetëdijshme po e sjellin luftën në qendër të diskutimit.

Vogëlushi sirian Alan kurdi i cili u gjet i pajetë në breg të detit u bë simbol i tragjedisë së refugjatëve të cilët përpiqen të largohen për një jetë më të mirë. Alan me siguri preku edhe zemrat më të ngurta.

Omran Daqneesh një tjetër simbol i luftës i cili mes lotësh dhe gjakut me sytë e përhumbur e të pafajshëm kërkonte shpëtim. Vogëlushi u nxor nga shtëpia e cila u shndërrua në një gërmadhë nga bombardimet. A do të vdes zonjushë? Është kjo thirrja e një djaloshi 10 vjeçar i cili i shpëtoi sulmit me gaz. Ai duket i frikësuar ndërsa infermierja përpiqet ta mjekojë.

Ndërsa shpëtohen shumë fëmijë lotojnë sepse kanë humbur anëtarë të familjes duke dëshmuar edhe një herë mizoritë që po përjetojnë. Zëri dhe lotët e tyre duhet të jenë një këmbanë alarmi për të gjithë ata që kanë fuqi në dorë për t’i dhënë një tjetër rrjedhë historisë siriane