Gjendet i vdekur vëllai i ish-truprojës së Hashim Thaçit

Isni Qallapeku, vëllai i Ilir Qallapekut, ish-truprojës së ndjerë të Hashim Thaçit, është gjetur i vdekur të dielën, raporton sot portali Indeksonline.

Siç shkruan portali Indeksonline, Qallapeku është gjetur i vdekur brenda shtëpisë së tij në Klinë të dielën.

Rastin e hetimit të vdekjes në Klinë e bëri të ditur Policia e Kosovës të hënën në raportin 24-orësh.

Vëllai i Isniut, Iliri, i cili kishte shërbyer për vite me radhë si truprojë e ish-kryeministrit e ish-presidentit Hashim Thaçi, vdiq më 6 nëntor të këtij viti.

Ilir Qallapeku vdiq pas një sulmi në zemër në një spital në Shkup, kishin familjarët e tij.