Guardiola me një “mesazh” për Liverpoolin para ndeshjeve të fundit në Premierligë

Trajneri spanjoll ka thënë se nuk ndihet aspak nervoz para ndeshjes së xhiros së fundit, ku edhe do të vendoset titulli në elitën e futbollit anglez.

Manchester City ka nevojë për fitore në shtëpinë e Brighton, për të shpallur kampion i Premierligës, dhe se çdo gabim i tyre, do të ishte një mundësi e artë për Liverpoolin për t’u shfrytëzuar.

“Jam shumë i lumtur, nuk jam aspak nervoz”, ka deklaruar Guardiola, përcjell ‘lajmi.net’.

“Isha shumë nervoz para ndeshjes me Liverpoolin, shtatë pikë pas tyre, dhe kemi mundur të jemi dhjetë pikë prapa”.

“Ishte shumë e vështirë, por jo tani, në asnjë mënyrë. Unë po fle si një djalë i vogël. Është një ëndërr, një privilegj, e dua këtë”./Lajmi.net/