\nMinistrja e energjis\u00eb, minierave dhe burimeve minerale, Sanja Bozhinovska, mori pjes\u00eb sot n\u00eb panel-diskutimin \u201cKorniza institucionale dhe ligjore q\u00eb mb\u00ebshtet praktikat e q\u00ebndrueshme korporative\u201d, n\u00eb kuad\u00ebr t\u00eb forumit t\u00eb Biznesit \u201cShnd\u00ebrrimi i q\u00ebndrueshm\u00ebris\u00eb n\u00eb konkurrueshm\u00ebri: Nd\u00ebrtimi i bizneseve rezistente n\u00eb nj\u00eb bot\u00eb t\u00eb pasigurt\u201d, organizuar nga Ministria e pun\u00ebve t\u00eb Jashtme dhe Tregtis\u00eb s\u00eb Jashtme, Oda Ekonomike dhe Zyra e Koordinatorit t\u00eb P\u00ebrhersh\u00ebm t\u00eb Kombeve t\u00eb Bashkuara.
\nN\u00eb fjalimin e saj, ministrja theksoi se q\u00ebndrueshm\u00ebria sot nuk \u00ebsht\u00eb vet\u00ebm nj\u00eb objektiv mjedisor, por nj\u00eb nga parakushtet m\u00eb t\u00eb r\u00ebnd\u00ebsishme ekonomike p\u00ebr zhvillimin, konkurrueshm\u00ebrin\u00eb dhe sigurin\u00eb e kompanive vendore.
\n,,Vet\u00ebm para disa vitesh, tranzicioni i gjelb\u00ebr shihej si nj\u00eb kosto shtes\u00eb. Sot, ai \u00ebsht\u00eb investimi m\u00eb i mir\u00eb q\u00eb nj\u00eb kompani mund t\u00eb b\u00ebj\u00eb. Kompanit\u00eb q\u00eb investojn\u00eb n\u00eb efikasitet energjetik, burime t\u00eb rip\u00ebrt\u00ebritshme t\u00eb energjis\u00eb dhe teknologji t\u00eb reja do t\u00eb jen\u00eb kompanit\u00eb q\u00eb nes\u00ebr do t\u00eb eksportojn\u00eb m\u00eb shum\u00eb, do t\u00eb t\u00ebrheqin m\u00eb shum\u00eb investime dhe do t\u00eb hapin vende t\u00eb reja pune\u201d, theksoi Bozhinovska.
\nAjo theksoi se Ministria e vendos tranzicionin e gjelb\u00ebr si shtyt\u00ebs t\u00eb zhvillimit ekonomik, duke krijuar nj\u00eb kuad\u00ebr rregullator t\u00eb q\u00ebndruesh\u00ebm, transparent dhe t\u00eb harmonizuar me standardet evropiane, i cili do t\u2019u mund\u00ebsoj\u00eb kompanive t\u00eb investojn\u00eb me siguri dhe t\u00eb planifikojn\u00eb n\u00eb afat t\u00eb gjat\u00eb.
\n\u201eDetyra jon\u00eb \u00ebsht\u00eb t\u00eb krijojm\u00eb kushte n\u00eb t\u00eb cilat tranzicioni i gjelb\u00ebr nuk do t\u00eb jet\u00eb barr\u00eb p\u00ebr ekonomin\u00eb, por mund\u00ebsia e saj m\u00eb e madhe p\u00ebr zhvillim. Prandaj po miratojm\u00eb ligje moderne, po thjeshtojm\u00eb rregulloret dhe po sigurojm\u00eb mb\u00ebshtetje konkrete financiare p\u00ebr investime n\u00eb efikasitetin energjetik dhe n\u00eb burimet e rip\u00ebrt\u00ebritshme t\u00eb energjis\u00eb\u201d, tha ministrja.
\nN\u00eb fjal\u00ebn e saj, Bozhinovska kujtoi se Ligji i ri p\u00ebr Energjetik\u00ebn tashm\u00eb ka vendosur nj\u00eb korniz\u00eb moderne, t\u00eb harmonizuar me legjislacionin evropian, nd\u00ebrsa Ligji p\u00ebr Burimet e Rip\u00ebrt\u00ebritshme t\u00eb Energjis\u00eb p\u00ebrfaq\u00ebson nj\u00eb nga reformat m\u00eb t\u00eb r\u00ebnd\u00ebsishme n\u00eb sektorin e energjis\u00eb n\u00eb dekadat e fundit.
\nDuke iu referuar zhvillimit t\u00eb burimeve t\u00eb rip\u00ebrt\u00ebritshme t\u00eb energjis\u00eb, Bozhinovska theksoi se Ministria po vendos nj\u00eb sistem t\u00eb ri, transparent p\u00ebr planifikimin e investimeve n\u00eb rrjetin elektroenergjetik, me rregulla t\u00eb qarta q\u00eb do t\u00eb sigurojn\u00eb stabilitetin e sistemit dhe siguri p\u00ebr investitor\u00ebt.,,
\n,,Ne duam q\u00eb kompanit\u00eb t\u00eb jen\u00eb pjes\u00ebmarr\u00ebse aktive n\u00eb ekonomin\u00eb e re energjetike, e jo vet\u00ebm konsumator\u00eb. Q\u00ebllimi yn\u00eb \u00ebsht\u00eb t\u00eb krijojm\u00eb kushte q\u00eb secili q\u00eb investon n\u00eb prodhimin e vet t\u00eb energjis\u00eb, n\u00eb sistemet e magazinimit dhe n\u00eb teknologjit\u00eb moderne t\u00eb b\u00ebhet pjes\u00eb e transformimit energjetik t\u00eb shtetit\u201d, theksoi Bozhinovska.
\nAjo shtoi se Ministria paralelisht po investon edhe n\u00eb modernizimin e infrastruktur\u00ebs elektroenergjetike, digjitalizimin e sistemit dhe thjeshtimin e procedurave p\u00ebr kompanit\u00eb, me \u00e7ka do t\u00eb p\u00ebrshpejtohet integrimi i kapaciteteve t\u00eb reja p\u00ebr prodhimin e energjis\u00eb elektrike.
\nN\u00eb fund t\u00eb fjalimit t\u00eb saj, ministrja d\u00ebrgoi nj\u00eb mesazh t\u00eb qart\u00eb p\u00ebr komunitetin e biznesit.
\n\u201eReduktimi i emetimeve, efikasiteti energjetik dhe dekarbonizimi nuk jan\u00eb vet\u00ebm p\u00ebrmbushje e standardeve evropiane \u2013 ato jan\u00eb vendimi m\u00eb i men\u00e7ur biznesor p\u00ebr \u00e7do kompani q\u00eb d\u00ebshiron t\u00eb jet\u00eb konkurruese dhe e suksesshme n\u00eb afat t\u00eb gjat\u00eb. Ministria do t\u00eb vazhdoj\u00eb t\u00eb jet\u00eb nj\u00eb partner i fort\u00eb i ekonomis\u00eb n\u00eb k\u00ebt\u00eb proces\u201d, porositi ministrja Sanja Bozhinovska.
\n
![\"\"](\"https:\/\/faktiditor.ch\/wp-content\/uploads\/2026\/07\/bozh-300x200.jpg\")
<\/p>\n![\"\"](\"https:\/\/faktiditor.ch\/wp-content\/uploads\/2026\/07\/bozhi-300x200.jpg\")
<\/p>\n","protected":false},"excerpt":{"rendered":"