Jake Paul mund Mike Tyson

Jake Paul ka mundur Mike Tyson me vendim unanim pas tetë raundeve me nga dy minuta secili.

Tyson e nisi ndeshjen fuqishëm, por ndërsa përballja vazhdonte, Paul u fut më mirë në lojë dhe filloi të dominojë 58-vjeçarin, duke goditur shumë më tepër se Iron Mike me kalimin e raundeve.

Në fund të ndeshjes, Paul dukej se kishte dominuar plotësisht, pasi, sipas Netflix-it, 27-vjeçari realizoi 78 goditje nga 278 të tilla (28%), ndërsa Tyson realizoi vetëm 18 goditje nga 97 të tilla (18%), duke theksuar diferencën e madhe në moshë për fansat e boksit.

Sipas rezultateve jozyrtare të Netflix-it, raundet një dhe dy u dhanë për Tyson, ndërsa gjashtë të tjerat shkuan për Paul, teksa komentatorët dhe fansat ishin të sigurt për rezultatin teksa ndeshja po i afrohej fundit.