Komisioni për Punë të Brendshme, Siguri dhe Mbikëqyrjen e Forcës së Sigurisë së Kosovës ka nisur një takim në të cilin po marrin pjesë edhe përfaqësuesit e Qendrës së Gjenevës për Siguri, Zhvillim dhe Sundimin e Ligjit.
Ky takim po mbahet me dyer të mbyllura dhe arsyeja e organizimit të tij është që përfaqësuesit nga Gjeneva të njoftohen për kontrollin demokratik të FSK-së.
Më tej takimi vlen edhe për njohjen e komisionit me legjislaturën e re si dhe vazhdimin e bashkëpunimit në të ardhmen.
Organizata DCAF mbështet komisionet parlamentare në fushën e sigurisë dhe inteligjencës.