Lushtaku – Kurtit: Islami pjesë e pandashme e identitetit dhe kulturës së shqiptarëve i ka mbijetuar çdo sfide

Deputeti Mergim Lushtaku i ka reaguar kryeminsitrit Kurti, pas intervistës që zhvilloi me New York Times, ku kishte folur për fetë duke thënë se “Fetë erdhën e shkuan”.

Lushtaku ka thënë se është e kundërta e asaj që Kurti po pretendon pasi në historinë e shqiptarëve, sistemet politike, ideologjitë, partitë dhe liderët kanë ardhur dhe ikur ndërsa Islami ka mbetur një shtyllë e përhershme që i ka mbijetuar çdo sfide.

”Është pikërisht e kundërta e asaj që pretendon Albin Kurti. Në historinë e kombit tonë, sistemet politike, ideologjitë, partitë dhe liderët kanë ardhur dhe ikur.Por Islami, si pjesë e pandashme e identitetit dhe kulturës së shumicës dërmuese të shqiptarëve (93%), ka mbetur një shtyllë e përhershme që i ka mbijetuar çdo sfide.

Edhe Kurti dhe ideologjia që ai përfaqëson do të jenë një faqe e përkohshme në librin e historisë sonë, ndërsa Islami do të vazhdojë të mbetet i rrënjosur në zemrat e njerëzve, si frymëzim për moralin, drejtësinë dhe qëndrueshmërinë e shoqërisë sonë.” ka shkruar ai.