Mexhiti akuzon: Taravari ka koalicion të fshehtë me BDI-në – së shpejti do ta zbulojmë publikisht

Në një konferencë për shtyp të mbajtur sot, Izet Mexhiti lëshoi akuza të forta ndaj Arben Taravarit, duke deklaruar se ky i fundit ka një koalicion të fshehur me BDI-në.

“Taravari po mundohet ta mashtrojë opinionin publik, por ditët në vijim do ta zbulojmë të vërtetën. Do të shpalosim me fakte bashkëpunimin e tij me BDI-në,” u shpreh Mexhiti para gazetarëve.

Ai shtoi se qytetarët meritojnë transparencë dhe nuk duhet të bien pre e lojërave politike, duke theksuar se ky “koalicion i heshtur” është në kundërshtim me interesat e shqiptarëve në Maqedoninë e Veriut.