Moti, prej nesër priten reshje të shiut dhe borës

Moti sot do të jetë me diell dhe relativisht i ngrohtë me vranësira të vogla deri mesatare dhe me erë të lehtë deri mesatare nga drejtimi jugor. Nëpër lugina në pjesën më të madhe të ditës moti do të jetë i qetë me paraqitje të mjegullës ose vranësira të ulëta. Temperatura minimale do të lëvizë në interval prej -2 deri 5, ndërsa ajo maksimale do të lëvizë prej 6 deri 15 gradë Celsius.

Në Shkup moti do të jetë kryesisht i vranët dhe i qetë me paraqitje të mjegullës. Temperatura minimale do të bie deri në 2, ndërsa ajo maksimale do të arrijë deri 7 gradë Celsius.

Sipas paralajmërimeve nga Drejtoria për Punë Hidrometeorologjike (DPHM), nesër në fund të ditës dhe në ditët e fundjavës do të ketë reshje të kohëpaskohshme të shiut, në male të borës. Për shkak të masës më të ftohtë ajrore me erë të fuqishme veriore, të shtunën reshjet gradualisht do të kalojnë në borë edhe në vendet më të larta, ndërsa të dielën edhe në vendet më të ulëta. Lokalisht priten reshje më të mëdha.