Jose Mourinho befasoi të gjithë në momentin që u zyrtarizua si trajner i ri i Romës.

Nuk u spekulua fare për një afrim të tij te Roma, vetëm më 4 maj klubi italian doli me njoftim zyrtar se Jose Mourinho do të jetë trajner i tyre.

Nuk ka pasur shumë prononcime nga portugezi rreth klubit të tij të ri, derisa tani ka zbuluar edhe arsyen pse ai zgjodhi Romën.

Portugezi ka zbuluar se drejtuesit e ri të Romës e kishin kontaktuar atë ditën që u shkarkua nga Tottenham Hotspurs, duke e vlerësuar maksimalisht.

“E quaj mision të pamundur, pasi njerëzit më njohin dhe identifikojnë vetëm si një trajner fitues. Roma më vlerësoi maksimalisht dhe më kontaktoi që ditën që u shkarkova nga Tottenhami. Mu desh shumë pak kohë për të pranuar ofertën e tyre, pasi ishin vërtetë bindës”, tha Mourinho.

58-vjeçari e din se te Roma mungojnë trofetë prej vitesh, derisa titulli i fundit i kampionit është fituar 20 vite më parë.

“Friedkin më ka vlerësuar dhe më ka bërë të ndjej sërish pasionin për futbollin dhe ka “ndezur zjarrin” brenda meje. Vij në një klub që nuk fiton prej 20 vitesh, por presidenti më ka shpjeguar projektin në mënyrë të ndershme, të sinqertë dhe objektive”.

“Me Friedkin dhe Pinton ka lindur një empati e menjëhershme, pasi më transmetuan entuziazmin e punës që kanë nisur”, deklaroi portugezi. /Telegrafi/