NATO vlerëson se një milion njerëz janë vrarë dhe plagosur tashmë në luftën në Ukrainë

NATO beson se më shumë se një milion njerëz janë vrarë ose plagosur në Ukrainë që kur Rusia nisi pushtimin e saj në shkallë të plotë të vendit në shkurt 2022, raportoi DPA.

“Çdo javë ka më shumë se 10,000 të vrarë ose të plagosur nga të gjitha anët në Ukrainë”, tha Sekretari i Përgjithshëm i NATO-s Mark Rutte sot në Bruksel.

“Çdo ditë, kjo luftë shkakton më shumë shkatërrime dhe vdekje”, shtoi ai.

Presidenti ukrainas Volodymyr Zelensky deklaroi më parë se 43,000 ushtarë ukrainas janë vrarë deri më tani në luftë. Përveç kësaj, shton PDSH, 370 mijë ushtarë të tjerë janë trajtuar për lëndime të ndryshme të luftës, gjysma e të cilëve janë kthyer në shërbimin ushtarak.

Presidenti i sapozgjedhur i SHBA, Donald Trump kohët e fundit citoi numra të ngjashëm.

Në rrjetet sociale ai ka shkruar se deri më sot ka 600.000 ushtarë rusë të vrarë ose të plagosur dhe rreth 400.000 viktima ukrainase në luftë, transmeton agjencia gjermane.