Ndahet nga jeta rapsodi dhe mësuesi Baki Bakiu

Sot është ndarë nga jeta rapsodi dhe mësuesi i njohur Baki Bakiu, duke lënë pas një trashëgimi të pasur në fushën e arsimit dhe muzikës popullore.
Baki Bakiu ka shërbyer për vite me radhë si mësues në shkollën fillore “Ismail Qemali” në Nerasht, ku është kujtuar gjithmonë për përkushtimin e tij ndaj edukimit dhe për ndihmesën e çmuar në formimin e brezave të rinj.

Përveç kontributit të tij në arsim, ai ishte një zë i veçantë në muzikën popullore shqiptare. Gjatë rinisë së tij, ai këndoi përkrah emrave të njohur të muzikës si Mahmut Ferati dhe Milaim Mezini, duke lënë gjurmë të pashlyeshme në kulturën dhe traditat muzikore të vendit tonë.
Largimi i tij nga kjo jetë është një humbje e madhe për familjen, miqtë, nxënësit dhe komunitetin që e njohu dhe e vlerësoi punën e tij. Kujtimi për të do të mbetet i gjallë përmes veprave dhe trashëgimisë që la pas.

Ngushëllime të sinqerta familjes dhe të gjithë atyre që e deshën dhe e respektuan Baki Bakiun.