Nisma zyrtarizon Zafir Berishën si kandidat për Kryetar të Prizrenit

Nga Admin7 Me Jun 20, 2021

Kryetari i Nismës Socialdemokrate, Fatmir Limaj, me bashkëpunëtorë të kryesisë qendrore sot kanë qëndruar në qytetin e Prizrenit, ku janë takuar me strukturën e re drejtuese të degës së Nismës në këtë komunë.

”Në këtë takim, temë kyçe e diskutimit ka qenë përgatitja për zgjedhjet lokale, më ç‘rast edhe u zyrtarizua Zafir Berisha, si kandidat për kryetar të komunës së Prizrenit, në zgjedhjet lokale që do të mbahen në muajin tetor të këtij viti, ka shkruar Nisma në faqen e saj zyrtare në Facebook.

Gjithashtu, aty shkruan se, dega e Nismës në Prizren tashmë janë edhe në fazën e caktimit të kandidatëve për asamble komunale.

Kryetari i Nismës, Fatmir Limaj, i ka uruar suksese kandidatit për kryetar të Prizrenit dhe gjithë strukturës socialdemokrate në këtë komunë, për përkushtimin e madh që kanë treguar dhe ka kërkuar një angazhim edhe më të madh në mënyrë që qytetarët atje, pas zgjedhjeve të tetorit të kenë një qeverisje lokale që bënë ndryshime pozitive për Prizrenin dhe qytetarët që jetojnë dhe veprojnë aty.