Paralajmërimi i Kurtit për sulme, Ramadani: Tema reale është mungesa e rrymës, të tjerat janë shpërqendrim

Burim Ramadani, ish-inspektor i AKI-së, është deklaruar për paralajmërimet e kryeministrit Albin Kurti, se në të ardhmen mund të ketë prapë sulme në veri të vendit, duke thënë se në fakt, tema reale është mungesa e rrymës, shkruan Gazeta Express.

Ramadani ka shtuar edhe se qytetarët e kanë hall rrymën për shkak se edhe ka mungesë të saj edhe faturat janë të larta.

Postimi i plotë:

Tema reale është mungesa e rrymës. Tjerat janë shpërqendrim për qytetarët, sepse për to janë institucionet përkatëse që bëjnë punën e vet.

Me secilin që takohen sot në qytet, një hall kanë: nuk ka rrymë, ndërsa faturat vijnë shumë të larta.

Temat tjera janë profesionale dhe për to merren institucionet përgjegjëse, bashkë me prezencën ndërkombëtare ushtarake.

Por, qytetarët hallin e kanë se po paguajnë shumë shtrenjtë rrymën dhe po mërdhihen në të njëjtën kohë. /GazetaExpress