Policia kryen kontrolle në shkolla të Vushtrrisë – Sekuestron një thikë, boks hekuri dhe një maskë

Policia e Kosovës, ka njoftuar se sot kanë kryer kontrolle sigurie në shkolla, ku janë kontrolluar mbi 1379 nxënës, të shkollave të mesme të ulëta dhe të larta në Vushtrri.

Në njoftimin e saj, policia ka bërë të ditur se gjatë kontrollimit, në njërën prej shkollave në posedim te nxënësit brenda hapësirave të shkollave janë gjetur dhe sekuestruar, një (1) thikë, një (1) maskë dhe një (1) boks hekuri.

Njoftimi i plotë:

Vushtrri, 12 mars 2025

Në kuadër të veprimeve dhe masave parandaluese në ofrim të sigurisë në shkolla, zyrtarë policorë në kuadër të stacionit policor në Vushtrri, gjatë ditës së sotme më 12.03.2025 kanë zbatuar masa dhe kontrolle sigurie në shkolla.

Këto kontrolle janë kryer përmes urdhërkontrollit në bazë urdhëresës së lëshuar nga gjykata kompetente me ç’rast janë kontrolluar mbi 1379 nxënës, të shkollave të mesme të ulëta dhe të larta në Vushtrri.

Gjatë kontrollimit, në njërën prej shkollave në posedim te nxënësit brenda hapësirave të shkollave janë gjetur dhe sekuestruar, një (1) thikë, një (1) maskë dhe një (1) boks hekuri.

Veprimet policore dhe provat e gjetura materiale i janë paraqitur prokurorit kompetent dhe me rekomandim të prokurorit është iniciuar rasti për veprën penale: “Mbajtja në pronësi, kontroll posedim apo shfrytëzim i paautorizuar i armës dhe municionit”.

Policia mbetet e përkushtuar për bashkëpunim të ndërsjellë me autoritetet e arsimit në parandalim dhe ofrimin e sigurisë në shkolla./Indeksonline/