Premier Liga apo Liga e Kampionëve? Sallah tregon se cila është preferenca e tij

Sulmuesi egjiptian i Liverpullit, Mohamed Sallah e ka bërë të qartë preferencën e tij për të fituar trofe në një intervistë të fundit. Liverpulli është në formë të nxehtë dhe aktualisht është në krye të tabelës së Ligës Premier, por edhe Ligës së Kampionëve.

Nëse gjërat vazhdojnë në këtë mënyrë, Arne Slot mund të fitojë titullin e tij të parë në ligë në sezonin e tij të parë në krye të ekipit nga “Anfield”.

Dhe tani, Sallah ka deklaruar se do të preferonte të fitonte titullin e Premier Ligës më shumë sesa atë të Ligës së Kampionëve.

“Dua të fitoj titullin e Premir Ligës më shumë se Ligën e Kampionëve këtë vit. Unë me të vërtetë e dua atë, si ekip ne e duam atë”, tha mes tjerash Sallah.