Sport

Pritja e jashtëzakonshme e Mert Gunok në minutën e 95-të që dërgoi Turqinë në çerekfinale të Euro 2024 [Video]

Nga Admin7
346

Turqia u kualifikua në çerekfinale të Euro 2024 duke mposhtur Austrinë me rezultat 2-1 falë heroit Merih Demiral, i cili shënoi dy gola dhe portierit Mert Gunok, i cili pengoi golin e austriakëve në minutën e 95-të për të barazuar dhe shkuar në fazën tjetër.

Turqia kaloi në avantazh në minutën e parë të lojës, kur Demiral bëri më të mirën në zonën e rreptësisë pas një goditje nga këndi dhe shënoi për 1-0, ndërsa në minutën e 59-të shënoi golin e dytë për epërsinë 2-0.

Michael Gregoritsch shkurtoi rezultatin në 2-1 në minutën e 66-të dhe që nga ai moment austriakët rrethuan portën e Turqisë.

Megjithatë, austriakët duhet të prisnin minutën e pestë shtesë për mundësinë më të mirë për të barazuar në minutat e fundit të takimit.

Alexander Prass kaloi topin nga e majta dhe Christoph Baumgartner mbeti i vetëm në pesë metra.

Ai gjuajti me kokë dhe atë shumë mirë, por Gunok bëri një pritje të jashtëzakonshme dhe i solli fitoren skuadrës së tij, e cila do të luajë kundër Holandës në çerekfinale. /Telegrafi/

Comments