Rindërtimi i Gazës mund të zgjasë 350 vjet, paralajmëron raporti i OKB-së

Mund të duhen 350 vjet për të rindërtuar ekonominë e Gazës nëse ajo mbetet nën një bllokadë, ka paralajmëruar një raport i OKB-së.

Organizata ka vlerësuar më parë se rindërtimi i plotë i Gazës pas konfliktit Izrael-Hamas mund të zvarritet për dekada, por një raport i ri nga krahu i tregtisë dhe zhvillimit të OKB-së tani flet për shekuj, shkruan Sky News.

Lufta ka shkaktuar shkatërrime marramendëse në të gjithë territorin, me lagje të tëra të shkatërruara dhe rrugë dhe infrastrukturë kritike në gërmadha.

Trupat në dekompozim, malet me rrënoja dhe municionet e pashpërthyera do të duhej të pastroheshin përpara se të fillonte rindërtimi.

Raporti thotë se nëse lufta përfundon nesër dhe rajoni kthehet në status quo-në para sulmeve të Hamasit të 7 tetorit, mund të duhen 350 vjet që ekonomia e tij të kthehet në nivelin e saj tashmë të lëkundur të paraluftës.