Rrahje në Prishtinë, arrestohen dy persona

Një përleshje fizike ka ndodhur pak më parë në qendër të Prishtinës, saktësisht në rrugën ‘Dritan Hoxha’.

Me këtë rast, Policia e Kosovës ka arrestuar dy persona të dyshimtë si dhe është sekuestruar një armë zjarri.

Për rrahjen në afërsi të ‘New Born-it’, zëdhënësi i policisë për rajonin e Prishtinës, Agron Borovci deklaroi se tashmë janë duke u hetuar rrethanat që e karakterizojnë ngjarjen.

“Rreth orës 10:00 është raportuar për një rrahje në rrugën “Dritan Hoxha” në Prishtinë.Menjëherë pas marrjes së informatës policia ka dale në vendin e ngjarjes me ç’ rast ka arrestuar dy të dyshuar si dhe ka sekuestruar një armë zjarri.Aktualisht është iniciuar një hetim lidhur me rrethanat që karakterizojnë ngjarjen në funksion të procedimit të mëtejmë të rastit”, tha ai. /Lajmi.net/