Agjencia e Sigurisë Kombëtare të Malit të Zi (ANB) po kontrollon nëse janë të sakta informacionet se po përgatitet një atentat ndaj presidentit të Malit të Zi, Jakov Milatoviq, të cilat i ka marrë së fundmi nga burime të huaja dhe ka njoftuar zyrën e tij dhe Departamentin e Policisë. , Podgoricë. shkruan Vijesti.
Të pyetur për një kërcënim të mundshëm serioz ndaj kreut të shtetit malazez, Administrata Policore dhe kabineti i Millatoviqit konfirmuan ekzistimin e një informacioni të tillë, ndërsa ANB-ja për momentin nuk i komenton këto pretendime.
“Kabineti i Presidentit të Malit të Zi është informuar se është duke u hetuar besueshmëria e informacionit për kërcënim të mundshëm ndaj sigurisë së presidentit të shtetit Jakov Milatoviq. Nuk morëm më shumë detaje. Jemi informuar se organet kompetente kanë marrë parasysh sa më sipër dhe janë duke e proceduar. Presim informata shtesë”, kanë thënë nga Zyra për Marrëdhënie me Publikun e Kabinetit të Milatoviqit.