Të shtëna masive në New Mexico të SHBA-së: Vriten tre të rinj, 14 të plagosur

Tre persona u vranë dhe 14 u plagosën nga të shtënat masive që ndodhën sot në shtetin amerikan të New Mexico, njoftuan autoritetet lokale.

Të shtënat kanë ndodhur në një park në qytetin e Las Cruces, njoftoi policia e Las Cruces në mediat sociale.

Askush nuk është arrestuar, por policia thotë se ata “po ndjekin në mënyrë aktive pista të shumta”.

Policia tha se dy 19-vjeçarë dhe një 16-vjeçar u vranë nga të shtënat. Të shtënat thuhet se kanë ndodhur në një takim të entuziastëve të makinave sportive të modifikuara.

Në këtë tubim të entuziastëve të makinave sportive ishin rreth 200 persona, raporton NBC. Dëshmitarët thonë se atmosfera ishte argëtuese dhe gazmore.

Por më pas ka pasur një debat mes disa personave para se të fillonin të shtënat. Njerëzit filluan të iknin dhe filloi paniku.

“Ata sapo filluan të qëllonin dhe filluan të vrapojnë rreth të gjithëve. Ata qëllonin kudo,” tha një dëshmitar, 20-vjeçari Angel Legaspy, makina e parkuar e të cilit u godit nga plumbat./Reporteri.net/