Tetovë, vijon gjykimi për spitalin modular ku humbën jetën 14 persona

Në Gjykatën Themelore në Tetovë po mbahet seanca për zjarrin në spitalin modular të Tetovës ku u dogjën 14 persona. Mes të akuzuarve është edhe ish drejtori I këtij spitali, Florin Besimi i cili u paraqit para organeve të drejtësisë. Nga ana tjetër, familjarët nuk ndalojnë së kërkuari drejtësi për të afërmit që humbën jetën në këtë tragjedi. Siç thanë familjarët është koha që dikush të merr përgjegjësi dhe drejtësia të dal nga sirtarët. Gjithashtu, familjarët kërkojnë të formohet një ekip I pavarur që do të shqyrtoj të gjitha aspektit e rastit duke përfshirë edhe zvarritjen nga ana e prokurorëve.

“Është koha që dikush të merr përgjegjësi që drejtësia të del nga sirtari. Si familjarë të viktimave kërkojmë nga ju të rihapet hetimi për të gjithë fajtorët e vërtet të zjarrit në spitalin modular në Tetovë, të formoni një ekip të pavarur që do të shqyrtoj të gjitha aspektet e rastit përfshirë edhe zvarritjen eventuale të procedurës nga prokurorët, të garantoni se procedura gjyqësore do të zhvillohet pa ndikim partiak apo të biznesit, të siguroni transparencë dhe përgjegjësi në punën tuaj në përputhje me obligimet ligjore. Ekspertiza gjermane le të jetë si provë kyçe në këtë hetim. Ne nuk do të heshtim, do të vazhdojmë ta flasim për të dashurit tanë që I humbëm, për drejtësi që na është premtuar por asnjëherë nuk është realizuar”, u shpreh një familjar i viktimës në spitalin modular. /Alsat.mk