Presidenti i Kosovës, Hashim Thaçi, ka thënë se muri afër urës së Ibrit në Mitrovicë është në kundërshtim me të gjitha marrëveshjet e Brukselit, raporton Koha.net.

Gjatë takimit të Këshillit për Komunitete, Thaçi ka thënë se çështja e murit nuk do të diskutohet as me Serbinë as me Bashkimin Europian.

Presidenti gjatë këtij takimi nuk ka komentuar akuzat që i janë bërë nga familjarët e të pagjeturve dhe opozita për lojërat politike që po i bën duke bërë homazhe te varrezat e serbëve të vrarë.