Therret me thikë një 23-vjeçar në Ferizaj, Policia jep detaje

Një 23-vjeçar është therur mbrëmjen e së shtunës në Ferizaj.

Për IndeksOnline, lajmin e konfirmoi zëdhënësi i policisë për rajonin e Ferizajt, Kanun Veseli.

Veseli tha viktima është trasportuar në QKUK për trajtim, ndërsa nuk dihet ende arsyeja nuk dihet ende.

“Ju njoftojmë se më 25.01.2025, rreth orës 17:00, kemi pranuar një informatë se në rrugën “12 Qershori” në Ferizaj ka ndodhur një rast therjeje me thikë. Në vendin e ngjarjes kanë dalë patrullat dhe hetuesit e stacionit policor të Ferizajt, ndërsa më pas janë angazhuar edhe hetuesit dhe krimteknikët rajonalë. Nga hetimet fillestare është konstatuar se, në rrethana ende të paqarta, ka mbetur i lënduar një person, mashkull, rreth 23 vjeç. Viktima është dërguar fillimisht në Qendrën Emergjente në Ferizaj për ndihmë mjekësore, ndërsa më pas është transportuar në QKUK në Prishtinë për trajtim të mëtejshëm”, tha ai.