Një tjetër sasi e madhe droge është kapur këtë te marte. Nje gjysme ton hashash është sekuestruar nga policia e Durrësit, ndërkohë që 5 trafikante kane përfunduar në pranga dhe nje tjetër është shpallur ne kërkim. Ky është momenti i arrestimit në vendin e quajtur Kthesa e Ariut, në Fushë- Krujë dhe në 4 Rrugët e Shijakut. Operacioni i koduar “Triss” ka çuar në pranga Adem Lazen 47 vjeç, Elisar Barashima 29 vjeç, Mustafa Sala 22 vjeç, Gjon Syziu 23 vjeç si dhe Tanush Rica 23 vjeç. Droga u gjet gjatë kontrollit të katër mjeteve që drejtoheshin nga të arrestuarit. 500 kg lëndë narkotike hashash ishin paketuar ne disa thasë. Ndërkohë janë sekuestruar edhe katër mjete si dhe 12 telefona celularë. Sipas policisë, në këtë aktivitet kriminal ka edhe persona të tjerë të përshirë, lëvizjet e te cilëve po mbikëqyren nga agjentet e antidrogës. Ende nuk dihet se cili ishte destinacioni përfundimtar i ngarkesës se drogës.
