Kombëtarja e Ukrainës e ka mbyllur pjesën e parë ndaj Maqedonisë së Veriut me epërsi komode 2-0.
Ndeshja e dytë e vlefshme për Grupin C në mes të Ukrainës dhe Maqedonisë së Veriut është dominuar nga ukrainasit në 45 minutat e parë.
Ukraina ka arritur të shënojë dy gola dhe të mos pranojë asnjë, duke vulosur një super-ndeshje gjatë kësaj pjese.
Golat për ekipin e Andriy Shevchenkos u shënuan nga Andriy Yarmolenko (29’) për 1-0 dhe Roman Yaremchuk (34’) për 2-0.
Ukrainasit ishin dominues edhe në posedimin e topit duke mbajtur në këmbë për plot 61 për qind të kohës, ndërsa Maqedonia e Veriut në 39 për qind.