Ulje temperaturash në Maqedoni, nesër dhe të hënën në disa vende priten reshje të dobëta të borës

Moti sot do të jetë i ndryshueshëm me vranësira me periudha dielli. Lokalisht do të ketë kushte për zhvillim të vranësirave të paqëndrueshme me shi të rrëmbyeshëm afatshkurtër dhe bubullima. Temperatura minimale do të lëvizë në interval prej katër deri 9, ndërsa ajo maksimale do të lëvizë prej 14 deri 20 gradë Celsius.

Sipas Drejtorisë për Punë Hidrometeorologjike, në Shkup sot moti do të jetë i ndryshueshëm me vranësira me periudha më të gjata dielli. Do të fryjë erë e lehtë deri mesatare nga drejtimi verior. Temperatura minimale do të bie deri në tetë, ndërsa ajo maksimale do të arrijë deri 20 gradë.

Siç bëri të ditur DPHM, nesër do të ketë depërtim të masës së ftohtë ajrore nga veriu, e cila do të shkaktojë ndryshim të motit. Do të mbizotërojë mot kryesisht me vranësira me reshje të shiut, ndërsa në malet më të larta të shiut dhe borës. Në male reshjet do të jenë të borës dhe do të formohet shtresë e borës, prej 10 deri 15 centimetra.

Do të fryjë erë e fuqishme veriore, mbi 70 kilometra në orë, ndërsa temperaturat do të bien dukshëm. Të hënën, me erë të fuqishme veriore, në disa vende pritet të ketë reshje të dobëta të borës, ndërsa pastaj pritet mot do i qëndrueshëm, me erë dhe temperatura të mëngjesit të cilat kudo do të jenë nën zero.