By admin 
Albin Kurti ka deklaruar se masa prej 2 milionë eurosh për subvencionimin e biletave të avionëve për mërgatën është rezultat i angazhimit të ministrave Hekuran Murati dhe Dimal Basha.
Sipas Kurtit, anulimi i fluturimeve gjatë verës do të pengonte ardhjen e mërgatës dhe do të dëmtonte ekonominë e vendit, prandaj është propozuar një masë mbështetëse për linjat ajrore që lidhin Kosovën me destinacionet ku jeton diaspora.
Ai theksoi se vendimi nuk ka karakter elektoral, por lidhet me sezonin veror dhe nevojën për të lehtësuar ardhjen e bashkatdhetarëve.
Megjithatë, vendimi ka nxitur reagime të forta nga opozita dhe shoqëria civile, të cilat e kanë cilësuar si përdorim të buxhetit publik për qëllime zgjedhore dhe krijim të pabarazisë në garën elektorale.
Sipas kritikëve, ndarja e fondeve pak para zgjedhjeve ngre shqetësime serioze për standardet e procesit zgjedhor dhe transparencën e vendimmarrjes publike.